среда, 20 марта 2013 г.

Ռուբեն Հախվերդյան. «Պաշտպանեք ձեր բաժին ոսկորը»


Սերժ Սարգսյանն ընդամենը հաստատել է Ռուբեն Հախվերդյանի խոսքը.

Ըստ էության, Սերժ Սարգսյանն իմ ասածները չի հերքել: Միայն մեկ ճշտում՝ Սերժ Սարգսյանը Կեւորկովի օրոք աշխատել է որպես Կոմկուսի քարտուղար: Եթե հիշում եք՝ մենք հանրահավաքներ էինք անում եւ ուզում էինք ազատվել ԽՍՀՄ-ից եւ այդ կուսակցությունից: Սակայն պատմությունը կրկնվեց՝ սկզբում ՀՀՇ-ն, հետո՝ ՀՀԿ-ն ստանձնեցին Կոմունիստական կուսակցության դերակատարումը: Ըստ էության, ՀՀՇ-ն, ՀՀԿ-ն ու Կոմունիզմը նույնն են բովանդակությամբ, էությամբ: Եվ անունները փոխելով՝ բովանդակությունը չես փոխի:  Որովհետեւ ստրուկը ստրկությունից ազատվելուց հետո ուզում է ստրկատեր դառնալ:

Ստրուկի եւ ստրկատիրոջ հոգեբանությունը.

Սերժ Սարգսյանն իրեն շրջապատել է ԵՊՀ ռեկտոր Արամ Սիմոնյանի, Արմեն Մազմանյանի, Շուշան Պետրոսյանի,  Հանրայինի ղեկավար Ռուբեն Ջաղինյանի նման ստրկամիտ պնակալեզներով: Ռուբեն Ջաղինյանն իր տեսակով, իր կրթությամբ ոչ մի ընդհանրություն չունի հայկական մշակույթի հետ: Նշվածներն ամենասովորական պնակալեզներ են, որ ստացել են իրենց բաժին ոսկորն ու հիմա իրենց պիտի պատեպատ խփեն, որպեսզի պաշտպանեն իրենց բաժինը:

Սերժ Սարգսյանն անտաղանդ քաղաքական գործիչ է.

Ի դեպ, Սերժ Սարգսյանը այդ ասուլիսի ժամանակ ասել էր, որ ես գուցե տաղանդավոր երգիչ եմ, բայց քաղաքականության մեջ եւ մարդկային հարաբերություններում հեռու եմ տաղանդավոր լինելուց: Ասեմ, որ ես բնավ էլ քաղաքականությամբ չեմ զբաղվում: Ես իմ քաղաքացիական դիրքորոշումն են բարձրաձայնում: Քաղաքականությամբ զբաղվում է Սերժ Սարգսյանը, եւ կարող եմ վստահաբար ասել, որ նա անտաղանդ է այդ գործում: Եվ Սերժ Սարգսյանը ավելի լավ կանի ընդհանրապես չխոսի կաշառակերության, ստախոսության, գողության եւ այն կանխելու մասին: Պատճառը՝ պարզ է: Բոլորդ գիտեք:

Մարինա Բաղդագյուլյան
hayeli.am
20.03.13

Комментариев нет:

Отправить комментарий